Premio Trayectoria
Premio Trayectoria Visita Gijón/Xixón Profesional
Los Premios Trayectoria Visita Gijón/Xixón Profesional son xuna iniciativa cola que Visita Gijón/Xixón quier reconocer l’esfuerzu y la dedicación de persones, empreses y entidaes, tanto públiques como privaes, en favor d’un sector turísticu local más competitivu , responsable y sostenible .
Estos premios, otorgaos pola Mesa de Turismu , escuerren aguiyar la excelencia empresarial y la puesta en marcha d’actuaciones qu’apuesten pola innovación y la sostenibilidá ente les empreses y los servicios turísticos de Gijón/Xixón, coles mires de reforzar la calidá y competitividá del destín.
Les categoríes de los ‘Premios Trayectoria’ son les siguientes:
Trayectoria Profesional
Categoría empobinada a persones físiques qu’amosaron el so compromisu cola industria turístico de la ciudá y que participaron de manera activa na co-gobernanza xuntu cola Alministración Pública na consecución de los oxetivos de crecedera del sector.
Trayectoria Comprometida
Categoría empobinada a persones físiques o xurídiques qu’amuesen la so constante esmolición y compromisu cola sostenibilidá de la nuesa redolada y del impactu que xenera el turismu na nuesa sociedá , amás d’entender la importancia de que’l turismu ye cosa de toos y toes ya inclusivu.
Trayectoria Innovadora
Categoría empobinada a persones físiques o xurídiques qu’amosaren el so grau d’innovación nel sector local al traviés de bones práctiques empobinaes al diseñu y comercialización de productos turísticos novedosos y la so contribución al turismu experiencial nel destín, a la busca de nuevos mecanismos y ferramientes de trabayu pa la meyora de la eficiencia empresarial, y aquelles iniciatives líderes que constituyan un exemplu a siguir pa otres empreses turístiques.
Trayectoria Académica
Categoría empobinada a estudiantes del Máster Universitariu en Dirección y Planificación del Turismu de la Universidá d’Uviéu, coles mires d’aguiyar la realización de Trabajo Fin de Máster rellacionaos cola sostenibilidá turística nel destín Gijón/Xixón.
Más información y premiaos: