Qué faemos

Visita Gijón/Xixón ye la área de turismu municipal de Gijón/Xixón. Atópase integrada dientro d’una empresa municipal más amplia , Promoción Empresarial y Turística de Gijón S.A . (PETSA).

Ente les principales actividaes desenvueltes dende Visita Gijón/Xixón atópense :

Ellaborar, espublizar, cumplir y controlar una estratexa turística de destín qu’implique a tolos axentes venceyaos a l’actividá y xestión del turismu na ciudá . Usando ferramientes que dexen disponer de datos ya información real sobro la ufierta y demanda del destín y los sos competidores directos. Controlando los fluxos turísticos y la estacionalidad.
Planiar y executar acciones de promoción turística en destinos estratéxicos nacionales ya internacionales. Desenvolviendo programes de comercialización, collaboración y creando sinergias y aliances con operadores, profesionales y redes de cooperación. Participando en feries, workshops y alcuentros d’interés nel mercáu turísticu nacional ya internacional.
Fomentar y caltener la cooperación públicu-privada . Acompañando a los profesionales del sector na implantación de programes de competitividá empresarial (accesibilidá , sostenibilidá y calidá ) y apostando pola meyora de la so capacitación al traviés d’acciones de formación y alcuentros profesionales. Creando y comercializando productos turísticos que pongan en valor la identidá y los valores del destín.
Promocionar y comercializar Gijón/Xixón como destín de xuntes. Dando a conocer y asitiando nel mercáu les infraestructures y los curiosos de la ciudá como see de too tipu de xuntes y eventos tantu nel mercáu asociativu como nel corporativu . Acompañando a promotores y organizadores de xuntes y eventos qu’escueyen Gijón/Xixón como see , facilitando xestiones y servicios. Participando nes principales redes de collaboración del sector MICE.
Espublizar los curiosos, recursos, servicios ya infraestructures d’interés turísticu disponibles nel conceyu de Gijón/Xixón y na so redolada asturiana . Calteniendo un serviciu d’información turística cercanu , competitivu ya innovador, que facilite información presencial y online. Disponiendo d’ediciones que pongan en valor los principales curiosos y recursos turísticos de la ciudá . Calteniendo un portal turísticu bien asitiáu , actualizáu , accesible ya innovador.
Comunicar y amosar el destín, los sos valores y la so identidá . Executando campañes de comunicación en medios nacionales ya internacionales, que dexen la promoción y espardimientu d’información de Gijón/Xixón en destinos estratéxicos y a turistes potenciales. Atrayendo prescriptores y recibiendo profesionales qu’espublicen actividaes, empreses, servicios y recursos locales.