6*ºPrincipiu
“Tou cuerpu va permanecer en reposu a nun ser por fuerza mayor”
La Escalera 16 de la Sablera de San Llorienzo ta allugada na zona popularmente conocida como “El Tostaderu”, na desaguada del ríu Piles.
En cualquier dómina del añu , Pelayo, Álvaro , Leri, Carmen, Macio y otru xixoneses y xixoneses con vocación de llagartu alleguen velozmente, crema solar en mano , en cuanto el sol déxase entever ente les nubes.
Porque , según dicen, el muriu d’El Tostaderu recueyi y guarda cada rayada que llega a Gijón/Xixón. Un microclima , vaiga . Y por eso ye ellí onde van los profesionales a turrase .
El Piles
En Gijón/Xixón tamos bien arguyosos/as d’El Piles, el nuesu ríu . Sabemos que nun ye gran cosa , pero -y tenemos ciñu . La ponte d’El Piles ye como los de París, pero más pequeñín y humilde . Crucialo llévanos dende el Muriu al otru llau del ríu y lo primero qu’atopamos ye … el Tostaderu.
Pueblos pesqueros
Si sigues pol paséu dende El Tostaderu, vas llegar hasta El Rinconín. Ellí hai un par de cales (n’una d’elles ta dexáu l’accesu a perros tol añu ) y xuna amplia zona verde con palmeres y xuegos infantiles. Si nun te gusta demasiao el sable , nel parque d’El Rinconín puedes tomar el sol, folgar o pasiar al to gustu .
El sol
Equí nun llueve enforma . Bonu sí , dacuando . Va por temporaes. O per díes. O per hores. Pero cuando sale el sol, la so lluz alluma la nuesa preciosa ciudá y tol mundu sale a recibilo . Eso sí , cuando asoma ente les nubes, “pica” guapamente .
El puertu deportivu
Los neños y neñes (y dalgún qu’otru esforciáu proxenitor), cuando la marea ta baxa , dediquen hores a caminar hábilmente ente les roques en busca d’esguiles, bígaros, cámbaros y demás fauna marina , yá sía con enfotu de caza o de pura investigación. El paxellu : gorra , crema solar, sandalies cangrejeras, cubu ytruel.
Unpaseínhasta La Lloca
Somos bien conscientes d’esti privilexu . Tenemos muncha ciudá y muncho redolada natural, maraviyosos pa caminar, pero un clásicu ye faese el Muriu . Dende la ilesia de San Pedro hasta La Lloca son 3 kilómetros de paséu xuntu al mar. Cualquier hora ye perfecta , pero t’encamentamos l’atapecer.