Adhesión a visita Gijón profesional
Si cumples coles condiciones d'accesu y tienes interés en formar parte de la nuesa rede, equí pues entamar el procesu de formalización de la to adhesión.
- MOU D'ADHESIÓN
Les adhesiones van dirixise per escrito a la sociedá “Promoción Empresarial y Turística de Gijón S.A.”, per aciu de la cumplimentación del formulariu de solicitú correspondiente y l’apurre de la documentación qu’acredita’l cumplimientu de les condiciones d’accesu.
Nel formulariu d’adhesión van incorporase los datos de contactu de la entidá, empresa o serviciu y tendrá que cuntar cola firma y sellu del representante llegal de la entidá solicitante.
Tola documentación tendrá d’unviase en formatu dixital a la dirección de corréu electrónicu contacto@gijonturismoprofesional.es indicando nel asuntu “Solicitú d’accesu – Visita Gijón Profesional”.
- DOCUMENTACIÓN NECESARIA
+ Identificación de la empresa: copia del N.I.F.
+ Copia de la Llicencia d’Apertura, o documentu acreditativu de tener solicitáu’l trámite.
+ Alta nel Rexistru d’Empreses y Actividaes Turístiques del Principáu d’Asturies o documentu xustificativu de tener iniciaos los trámites oportunos pa la so consecución, nel casu de que seya d’aplicación.
+ Copia del últimu recibu del seguru de responsabilidá civil.
+ Certificaos de tar al corriente de les obligaciones tributaries y cola Seguridá Social.
+ Mínimu 2 fotografíes y logotipu del establecimientu en formatu electrónicu (tamañu 1 o 2 MB).
+ Documentos acreditativos nel casu de tar certificáu o estremáu con: ISO, Q de Calidá Turística, SICTED, Biosphere u otros.
Al formulariu de solicitú tendrán d’axuntase necesariamente:
- ADQUISICIÓN DE LA CONDICIÓN DE MIEMBRU
Les solicitúes tendrán de ser aprobaes pola dirección de turismu de “Promoción Empresarial y Turística de Gijón S.A.” ya informaes a la Mesa de Turismo, pasando a ser Miembru de Visita Gijón Profesional de plenu derechu una vez que se cumplan toles condiciones establecíes.
Los cambios de titularidá o denominación de les empreses miembros tendrán de ser notificaos darréu.
¿INTERÉSTATE?
Si tienes interés en recibir más información, pues contactar col equipu de Visita Gijón Profesional y vamos facilitáte tola información necesaria.